பாகம் 1

ஸஹாபாக்கள் மத்தியில் நடந்த விவகாரங்கள் தொடர்பாக அஹ்லுஸ்ஸுன்னதி வல் ஜமாஅத்தினரின் முடிவு

Reference : நூல் : அகீதது அஹ்லுஸ்ஸுன்னதி வல் ஜமாஆ பீ ஸஹாபா கிராம் - ஷெய்க் அப்துல் முஹ்ஸின் அல் அப்பாத் ஹபிழஹுல்லாஹ் 

அந்த விவகாரங்கள் தொடர்பாக வந்துள்ள சில அறிவித்தல்கள் பொய்களாக உள்ளன. சில அறிவித்தல்கள் மேலதிகமாக இட்டுக்கட்டப்பட்டிருக்கின்றன. சில குறைத்துக் கூறப்பட்டுள்ளன. எனவே வந்துள்ள அறிவித்தல்களில் ஸஹீஹான அறிவித்தல்களின் அடிப்படையில் நாம் தீர்மானிப்பது என்னவென்றால், 

ஸஹாபாக்கள் மத்தியில் நிகழ்ந்தவற்றுக்காக அவர்கள் மன்னிக்கப்படுவார்கள். அவர்களின் ஆராய்ச்சியின் அடிப்படையில் அவர்கள் எடுத்த முடிவு சரியான என்றால் அவர்களுக்கு இரு கூலிகள் உண்டு. தவறானதாக இருப்பின் ஆராய்ச்சி செய்ததற்கான கூலியாக ஒரு கூலி உண்டு. இன்னும் ஸஹாபாக்கள் பாவம் செய்யாதவர்களென்பது அஹ்லுஸ்ஸுன்னதி வல் ஜமாஅத்தினரின் நம்பிக்கையில் உள்ளதல்ல. 

சிறிய பாவத்திலோ பெரிய பாவத்திலோ அவர்கள் ஈடுபடுவதற்கு சாத்தியமிருக்கிறது. என்றாலும் அவர்களின் சிறப்பினாலும் அவர்கள் செய்துள்ள நன்மைகளினாலும் அவர்களின் பாவங்களை அல்லாஹ் மன்னித்து விடுவதற்கு அவர்கள் தகுதியானவர்களாகவே இருக்கிறார்கள். 

அவ்வாறு அவர்களுக்குக் கொடுக்கப்படும் மன்னிப்பு அவர்களுக்குப் பின்னால் யாரும் பெறுவதற்கு பாக்கியம் பெறாத மன்னிப்பாகும். அவர்கள் செய்திருக்கும் அதிகமான நன்மைகள் அவர்கள் செய்திருக்கும் தீமைகள் மன்னிக்கப்படுவதற்குப் போதுமானவையாக இருக்கின்றன. 

இந்த அந்தஸ்து ஸஹாபாக்களுக்குப் பின்னால் வருகின்ற எவருக்கும் இல்லாத அந்தஸ்தாகும். நபி (ﷺ)  அவர்களின் நாவிலிருந்தே ஸஹாபாக்களைச் சிறப்பித்துக் கூறிய வார்த்தைகள் இருக்கின்றன.