பக்கம் 1

சிகரட் புகைப்பது பற்றிய மார்க்கத் தீர்ப்பு என்ன?

ஷெய்க் யஹ்யா ஸில்மி அஸ் ஸைலானி ஹபிழஹுல்லாஹ்

بــــــــــــــــســـــم الله الرحـــــــمــــن الرحـــــــــيــم

الحمد لله رب العالمين والصلاة والسلام على من لا نبي بعده اما بعد

கேள்வி :

சிகரட் புகைப்பது பற்றிய மார்க்கத் தீர்ப்பு என்ன?

பதில் :

சிகரட் புகைப்பது தொடர்பான இஸ்லாமிய தீர்ப்பைக் காண்பதில் மத்ரஸதுல் ஹதீஸைச் சேர்ந்தவர்களும், மத்ரஸதுல் ரஃயை சேர்ந்தவர்களும் கையாள்கின்ற அடிப்படைகளின் மத்தியிலுள்ள வேறுபாட்டை நாம் காணலாம்.

மத்ரஸதல் ஹதீஸ் எனப்படுபவர்கள் ஹதீஸின் அடிப்படையில் பிக்ஹைக் கையாள்பவர்கள். மத்ரஸதுர் ரஃயி எனப்படுபவர்கள் சிந்தனையின் அடிப்படையில் பிக்ஹைக் கையாள்பவர்கள்.

சிகரட் புகைப்பது பற்றிய தீர்ப்பைக் கூறுவதற்கு அல் குர்ஆனிலோ, ஹதீஸிலோ நேரடியே சிகரட் என்ற வார்த்தை வரவில்லை. இப்போது இதற்கு எவ்வாறு தீர்வைக்காண்பது?

மத்ரஸதுல் ரஃயைச் சேர்ந்தவர்கள் சிகரட் புகைப்பதை மக்றூஹ் (வெறுக்கத்தக்கது) என்று கூறுகிறார்கள். அவர்களிடம் அது ஹராமல்ல. சிகரட் என்ற வார்த்தை நேரடியாக அல் குர்ஆனிலோ, ஹதீஸிலோ வராததன் காரணமாக சிகரட் புகைப்பதை அவர்கள் ஹராம் என்று கூறுவதில்லை. இருந்தாலும், சிகரட்டின் தன்மைக்கு ஒப்பானவற்றுக்குரிய தீர்ப்பு அல் குர்ஆனில் இருப்பதனால் அதனை மக்றூஹ் என்று தீர்ப்புக் கூறுகிறார்கள்.