பக்கம் 1

பித்அத்வாதிகளுக்குப் பின்னால் தொழலாமா?

ஷெய்க் யஹ்யா ஸில்மி அஸ் ஸைலானி ஹபிழஹுல்லாஹ்

بــــــــــــــــســـــم الله الرحـــــــمــــن الرحـــــــــيــم

الحمد لله رب العالمين والصلاة والسلام على من لا نبي بعده اما بعد

கேள்வி :

பித்அத்வாதிகளுடன் அமர்வதையும், அவர்களுடன் பழகுவதையும் சுன்னாவின் இமாம்கள் (அஇம்மதுஸ்ஸுன்னா) தடுத்துள்ளார்கள். அவ்வாறு இருக்க, பள்ளிவாசலில் பித்அத்வாதி ஒருவர் ஜமாஅத் தொழுகையை நடத்தும் இமாமாக இருக்கையில், நாம் பள்ளியை அடைந்தால் அவருக்குப் பின்னால் தொழ முடியுமா?

பதில் :

தொழுவிப்பவர் பித்அத்வாதியாக இருக்கும் நிலையில், நீங்கள் ஜமாஅத் தொழுகைக்காக பள்ளிவாசலுக்குச் சென்றிருந்தால்,

அல்லாஹ் குர்ஆனில் கூறுகின்றான்,

நீங்கள் (ருகூஉ செய்து) குணிபவர்களுடன் நீங்களும் (ருகூஉ செய்து) குணியுங்கள்.

( அல் குர்ஆன் 2:43)

என்ற ஏவலின் அடிப்படையில், நீங்கள் அந்த ஜமாஅத்துடன் சேர்ந்து உங்கள் தொழுகையை நிறைவேற்ற வேண்டும்.

ஜமாஅத் தொழுகையை நடத்தும் பித்அத்வாதியின் விடயத்தில் இமாம் ஹஸனுல் பஸ்ரி (றஹிமஹுல்லாஹ்) கூறியதைக் குறிப்பிடுவது பொருத்தமானது. அவர் கூறினார்,

நீங்கள் தொழுங்கள்! அவனுடைய பித்அத் அவனோடு இருக்கட்டும்!

இமாம் புஹhரி (றஹிமஹுல்லாஹ்) அவர்கள் தனது நூலான ஸஹீஹ் அல் புஹாரியில், இ‌து தொடர்பான தலைப்பு ஒன்றையே இட்டுள்ளார்கள். அதனை இங்கே குறிப்பிடுகிறோம்.

குழப்பம் செய்பவனும் பித்அத் செய்பவனும் இமாமத் செய்வது.